«JAS GALYM SCIENCE QUEST» қалалық балалар фестивалі

Алматы қаласы Білім басқармасының «Алматы дарыны» дарынды балалар мен талантты жастарды анықтау және қолдау жөніндегі орталығы» 2024 жылы 1 маусым күні «JAS GALYM SCIENCE QUEST» қалалық балалар фестивалі өтті. Фестиваль, ғылыми квестке қатысуға республикалық ғылыми жобалар конкурсы және “Зерде” республикалық зерттеу жобалары мен шығармашылық жұмыстар конкурсының
қалалық кезеңдерінің жеңімпаздары мен
жүлдегерлері қатысып қайтты. 
💐 «Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады. Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар – біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды», – деп Мемлекет басшысы құттықтау сөзін сөйледі.