«Дүниежүзілік Азаматтық қорғаныс күні» тақырыбында ашық тәрбие

Адам өмір бойы әр түрлі қауіп-қатерге кездеседі, сол себепті өмір сүруге, медициналық қызмет алуға, азаматтық қорғанысқа, қауіпсіздікке, болуы мүмкін қауіп-қатерлер туралы мәлімет алуға, қауіп-қатерлер орын алған жағдайда, оның зардаптарынан және басқа да төтенше жағдайлардан қорғалуға құқылы.
21.02.23 күні Ғ.Мүсірепов атындағы №86 мектеп- гимназиясында 1-11 сынып оқушыларымен «Дүниежүзілік Азаматтық қорғаныс күні» тақырыбында ашық тәрбие сағаттары өтті.
Тәрбие сағаттарында Азаматтық қорғаныс және оның міндеттері туралы талқыланды. Оқушылар қазіргі заманғы зақымдау құралдарымен, табиғи және техногендік сипаттағы жағдайлармен танысты. Осы тақырыпқа байланысты бейнероликтер көрсетіліп, төтенше жағдайлар кезіндегі іс-қимыл алгоритмі талқыланды. Сонымен қатар төтенше жағдайларда қандай нөмерлерге хабарласу керектігі туралы мәліметтер алды.