«Түркі халықтары тарихының ортақ тұстары, мектептерде оқытылу мәселесі» тақырыбында халықаралық семинар болып өтті.

"Ғабит Мүсірепов атындағы №86 мектеп-гимназиясында" түркі халықтарының тарихын оқытудың методологиясын зерттеу мақсатында «Түркі халықтары тарихының ортақ тұстары, мектептерде оқытылу мәселесі» тақырыбында халықаралық семинар болып өтті. Бұл шараны Алматы қаласы білім басқармасы қалалық білім берудегі жаңа технологиялардың ғылыми-әдістемелік орталығы мен Қазақ ұлттық қыздар педагогикалық университеті бірлесіп ұйымдастырды. Семинарға университет оқытушылары мен қала мектептерінің мұғалімдерімен қатар, Түркия Республикасының Кония қаласындағы Сельджук Университетінің профессорлары, тарих ғылымдарының докторлары  Хасан Бахар мен Мустафа Демиржи қатысып, өз пікірлерін білдірді.  Шараға қатысушылар ортақ мұра, ортақ құндылықты, яғни түркі халқының мол мұрасын бірлесе насихаттауда бірігу қажет деген тұжырым жасады.