"Бұл палата жас түлек өз мамандығын өзі таңдау қажет деп есептейді" тақырыбында дебат өткізді.

Ғ.Мүсірепов атындағы №86 мектеп-гимназиясы директорының тәрбие ісі жөніндегі орынбасары,"Адал ұрпақ" ерікті мектеп клубының жетекшісі Оразбек Әтіркүл Әбдібекқызының, Алматы Пікірсайыс Федерациясының Бас Төрешісі , "Атамекен" Интеллектуалдық Пікірсайыс клубының координаторы Әсембек Думан Амангелдіұлының және мектепішілік "Самұрық" дебат клубының ұйымдастыруымен 8-9-сынып оқушылары арасында "Бұл палата жас түлек өз мамандығын өзі таңдау қажет деп есептейді" тақырыбында дебат өткізді.

Дебаттың мақсаты: Оқушылардың бойында өзіне деген сенімділігін арттыру, өз өмірлеріне жауапкершілікпен қарауға, ата-аналарынан қолдау күтпей, өздері алға үлкен мақсаттар қоя алатын жаңашыл жастарды тәрбиелеу болып табылады.

Дебатта қазіргі таңдағы актуальды тақырыптардың бірі талқыланғандықтан дебат өте қызықты, тартысты өтті.

Жақтаушы топ ата-аналарының әлі де болса мамандық таңдауда балаларына көбірек алаңдайтындығын, өздеріне таңдау жасауына сенімсіздікпен қарайтындығы туралы қызу талқыланып, жас түлек өз мамандығын өзі таңдау қажет деген пікірлерімен бөліссе, даттаушы топ ата-аналардың баласы үшін алаңдағаны дұрыс, олар өмірде тәжірибиесі бар адамдар, сондықтан біз үшін жақсы мамандықты тек ата-анамыз ғана таңдап бере алады деген қарсылас топтың қарсы пікірімен жалғасып, өз ойлары мен пікірлерін ашық алаңда ортаға салды.